Қарағандылықтарға қазақ және ағылшын тілдерін тегін үйрететін курстар ұсынылуда. Қазіргі заманғы әдістемелер бойынша топтық сабақтар қаладағы әртүрлі аудандарда өтеді.
Биыл сәуір айында қазақ тілінен жаңа топтарға қабылдау басталады. Курстарға жаңадан бастаушылар да, негіздерін білетін және деңгейін жетілдіргісі келетіндер де қатыса алады.
— Біздің курстарға сұраныс өте жоғары. Қазір қала бойынша барлығы 380 адам оқуда. Бұрын негізінен мемлекеттік қызметкерлер қатысса, қазір қарапайым тұрғындар да белсенді түрде қызығып, сабақтарға келеді, — дейді Қарағанды облысы Тілдерді оқыту орталығының директоры Алмагүл Игенова.
Қатысушыларға қарқынды бағдарлама ұсынылады — аптасына бес сабақ, әрқайсысы 120 минут. Мұндай қарқында бір деңгейді меңгеруге шамамен үш ай қажет.
Егер қатысушыларға аптасына бес күн қатысу мүмкіндігі болмаса, оларға аптасына үш сабақтан өтетін альтернативтік бағдарлама ұсынылады. Бірақ бұл жағдайда бір деңгейді меңгеру уақыты ұзартылады.
Сонымен қатар, Тілдерді оқыту орталығында ағылшын тілінен де тегін сабақтар өтеді. Қазір 130 адам оқып жатыр. Келесі қабылдау сәуір айының басында жаңадан бастаушылар мен жалғастырушылар үшін жоспарланған.
— Барлық сабақтар 15–20 адамнан тұратын топтарда өтеді. Курстар ересектерге арналған және қатысушылардың бір-бірімен белсенді қарым-қатынас жасауына, тақырыптарды талқылауына, бір-бірін тыңдап, қателерін түзетуге үйренуіне бағытталған. Курс соңында емтихан өткізіледі. Сәтті тапсырғандарға деңгейді меңгергені туралы сертификат беріледі, — деп атап өтті Алмагүл Игенова.
Сабақтар «Абзал» сауда орталығында, сондай-ақ Майқұдықтағы, қала орталығындағы және Оңтүстік-Шығыс аудандарындағы кеңселерде өтеді. Сабақ уақытын таңдау мүмкіндігі бар: 09:00, 13:00 немесе 18:00.
Курстарға Мұстафин көшесі, 6/4 мекенжайындағы Тілдерді дамыту басқармасына жеке келіп жазылуға болады. Ол үшін қабылдау туралы өтініш жазу қажет және қалаған жағдайда тілдік деңгейді анықтау тестінен өту ұсынылады.
Ақпарат көзі : https://www.gov.kz/memleket/entities/karaganda/press/news/details/1182621?lang=kk
Жауап қалдыру Жауапты болдырмау