«Ұлттық киім – ұлттық мұра» атты тағылымды іс-шара ұйымдастырылмақ.
Бұл мерекелік шараның басты мақсаты – қазақ халқының дәстүрлі киімдерінің ерекшелігін таныстыру, ұлттық құндылықтарды дәріптеу және өскелең ұрпақтың ұлттық мәдениетке деген қызығушылығын арттыру.
Іс-шара барысында:
– Қазақтың ұлттық киімдерінің тарихы мен түрлері таныстырылады;
– Әсем ұлттық сән көрсетілімі ұйымдастырылады;
– Қатысушылар ұлттық нақыштағы киім үлгілерін тамашалап, олардың мағынасы мен мәніне тереңірек бойлай алады.
Ұлттық киім – халқымыздың болмысы мен тарихының айнасы. Әрбір ою-өрнек, әрбір нақыш ұлттың рухани байлығын көрсетеді. Сондықтан бұл күн – ұлттық мұрамызды ұлықтап, өткенімізді құрметтеп, болашаққа жеткізудің маңызды бір көрінісі.
Баршаңызды осы ерекше шараға қатысуға шақырамыз!
Ақпарат көзі : https://www.gov.kz/memleket/entities/shymkent-memlekettik-satyp-alu/press/news/details/1183953?lang=kk
Жауап қалдыру Жауапты болдырмау