ТҮНГІ РЕЙД ЖҰМЫСТАРЫ ҚОҒАМДЫҚ ҚАУІПСІЗДІКТІ КӨЗДЕЙДІ

Жастар арасындағы құқық бұзушылықтардың алдын алу үшін аймақ басшысы Нұрлыбек Нәлібаев түнгі рейд жұмыстарына қатты көңіл бөліп, шараларды күшейтуді тапсырған болатын.

Соған сәйкес бекітілген кезектілікпен Әйтеке би кентінің әкімі Әліби Әбиев бастаған топ жасөспірімдерді тәртіпке шақырды.

Рейдтік құрам 22:00-ден бастап аудан орталығы – Әйтеке би кентіндегі ойын алаңдарын, саябақ, ойын-сауық орталықтары мен компьютер клубтарын, тойханалар мен мейрамханаларды аралап, қоғамдық тәртіпті бақылады. Сондай-ақ, кәмелет жасқа толмаған өскіндердің беймезгіл уақыттан кейін жүруіне болмайтындығын ескертті.

Алдағы күндері дәл осындай күшейтілген түрде рейд жұмыстары жалғаса беретін болады. Мұндай рейд жұмыстары аудан орталығы мен ауылдық округтерде де жалғасуда.