Алматы облысы Төтенше жағдайлар департаментінің қызметкерлері «Ауыл» партиясымен және Экология департаментімен бірлесіп, азаматтық қорғаныс айлығы аясында Қонаев қаласындағы көпсалалы колледжде экологиялық тәуекелдер тақырыбында «Ашық қауіпсіздік сабағын» өткізді.
Іс-шараның негізгі мақсаты — жастардың экологиялық сауаттылық деңгейін арттыру, қауіпсіз мінез-құлық мәдениетін қалыптастыру және қоршаған ортаның жай-күйіне жауапкершілікті дамыту.
Ашық сабақ барысында қатысушыларға өңірге де, жалпы елге де тән негізгі экологиялық қауіп-қатерлер туралы өзекті ақпарат ұсынылды. Ауа мен су ресурстарының ластануы, техногендік әсерлер, сондай-ақ экологиялық сипаттағы төтенше жағдайлардың ықтимал салдарына ерекше назар аударылды.
Іс-шараға шамамен 35 студент қатысып, тақырыпқа жоғары қызығушылық танытып, қауіпсіздік мәселелеріне саналы түрде қарауға дайын екендіктерін көрсетті.
Бұл бағыттағы жұмыс азаматтық қорғаныс айлығы аясында жалғасып, мүмкіндігінше көп студенттерді қамту және халықтың әртүрлі қауіп-қатерлерге әрекет етуге жалпы дайындық деңгейін арттыру мақсатында жүргізіледі.
Алматы облысы ТЖД баспасөз қызметі
Ақпарат көзі : https://www.gov.kz/memleket/entities/emer-alm/press/news/details/1185134?lang=kk
Жауап қалдыру Жауапты болдырмау