Алтай ауданындағы С.Нұрмагамбетов атындағы орта мектебінде «Ата дәстүр» қазақ мәдени орталығының қолдауымен «Шежіре» кабинеті салтанатты түрде ашылды.
Жаңа кабинет ұлттық дәстүрлерді сақтау мен насихаттауға, шежірені зерделеуге, жас ұрпақтың өз тамыры мен халық тарихына деген құрметін қалыптастыруға бағытталған.
Алтай ауданының әкімі Ренат Құрмамбаев мұндай бастамалардың маңызын атап өтіп, «Шежіре» кабинетінің ашылуы жастардың рухани-адамгершілік тәрбиесіне және ұлттық бірегейлікті нығайтуға ықпал ететінін жеткізді.
«Ата дәстүр» ұлттық-мәдени орталығының жетекшісі Фарида Тауданбекова мектеп ұжымына және жобаны жүзеге асыруға атсалысқан барша жанға алғысын білдіріп, мәдени мұраны сақтаудағы бірлескен жұмыстың маңызын атап өтті.
Ардагерлер кеңесінің мүшесі Элла Гейгер ұрпақтан ұрпаққа дәстүр мен шежірені жеткізу жастардың тұлға болып қалыптасуында және патриоттық тәрбиесінде маңызды рөл атқаратынын айтты.
Мектеп директоры Екатерина Путилина «Шежіре» кабинеті оқушылар үшін халықтың тарихын, салт-дәстүрін тереңірек тануға мүмкіндік беретін маңызды білім беру алаңына айналатынын, түрлі тақырыптық іс-шаралар мен кездесулер өткізуге жағдай жасайтынын атап өтті.
Салтанатты ашылу кабинетке экскурсиямен және алдағы жұмыс жоспарларын талқылаумен аяқталды.
Ақпарат көзі : https://www.gov.kz/memleket/entities/akimvko/press/news/details/1185951?lang=kk
Жауап қалдыру Жауапты болдырмау