«AMANAT» партиясының қоғамдық қабылдау бөлмесінде Адам құқықтары жөніндегі уәкілдің Ақмола облысы бойынша өкілі Гүлнара Жанбекова азаматтарды жеке қабылдады.
Қабылдау барысында азаматтар сот шешімдерімен келіспеу, қылмыстық істерді тергеу, білікті медициналық көмекпен қамтамасыз ету, сондай-ақ өзге де әлеуметтік маңызы бар мәселелерді көтерді.
Әрбір жолданым бойынша арыз берушілерге қолданыстағы заңнама нормалары түсіндіріліп, олардың құқықтары мен заңды мүдделерін қорғаудың мүмкін жолдары баяндалды. Атап айтқанда, сот шешімдерімен келіспеу мәселелері бойынша оларды заңда белгіленген тәртіппен шағымдану рәсімі түсіндірілді. Қылмыстық қудалауға қатысты жолданымдар бойынша өтініш берушілерге тексеру жүргізу және процестік шешімдер қабылдау үшін уәкілетті органдарға жүгіну ұсынылды.
Медициналық қамтамасыз ету мәселелеріне, оның ішінде уақтылы әрі сапалы медициналық көмекке қол жеткізуге ерекше назар аударылды. Аталған бағыт бойынша азаматтарға денсаулық сақтау саласындағы құқықтарды қорғау тетіктері түсіндірілді.
Қабылдау қорытындысы бойынша бірқатар өтініштер бақылауға алынып, олардың көшірмелері құзыретті мемлекеттік органдарға қарау және өз құзыреті шеңберінде тиісті шаралар қабылдау үшін жолданды.
Адам құқықтары жөніндегі уәкіл бұзылған құқықтарды қалпына келтіруге жәрдемдесу және адам мен азаматтың құқықтары мен бостандықтарын қорғауды қамтамасыз ету бағытындағы жұмысын жалғастыруда.
Өтініштерді қарау нәтижелері туралы арыз берушілер заңнамада белгіленген тәртіппен уәкілетті мемлекеттік органдар тарапынан хабардар етіледі.
Ақпарат көзі : https://www.gov.kz/memleket/entities/ombudsman-aqmola-oblysy/press/news/details/1185856?lang=kk
Жауап қалдыру Жауапты болдырмау