Қостанай облысында «Ауыл құтқарушылар» бағдарламасы аясында ауылдық елді мекендерде өртке қарсы қорғауды дамыту бойынша жүйелі жұмыстар жалғасуда.
Бүгінде 38 өрт сөндіру пунктінің 23-і жұмыс істеп тұр. 2026 жылы 18 жаңа пункт ашу және 12 қолданыстағы пунктті жаңғырту жоспарланған. Бұл шаралар 34 мыңнан астам тұрғыны бар 75 елді мекенді қосымша қорғауға мүмкіндік береді.
Сондай-ақ инфрақұрылымды дамыту жұмыстары жүргізілуде: Тобыл қаласында жаңа өрт сөндіру депосын салу, Рудный, Лисаковск және Арқалық қалаларындағы бөлімшелерді жөндеу көзделген. Арнайы техника мен жабдықтарды жаңарту жалғасуда.
Қабылданып жатқан шаралар халықтың қауіпсіздігін арттыруға және төтенше жағдайларға жедел әрекет ету деңгейін күшейтуге бағытталған.
Ақпарат көзі : https://www.gov.kz/memleket/entities/kostanai-zhitikarin-prirechnyi/press/news/details/1185758?lang=kk
Жауап қалдыру Жауапты болдырмау