Маңғыстау облысы Полиция департаментінің Әкімшілік полиция басқармасы мектеп оқушыларының демалыс кезеңінде балалардың қауіпсіздігіне ерекше назар аудару қажеттігін ескертеді.
Ата-аналардан балалардың қайда жүргенін, кімдермен араласатынын бақылауда ұстау, кешкі және түнгі уақытта қараусыз қалмауын қамтамасыз ету сұралады.
Балаларға жол қозғалысы ережелерін сақтау, бейтаныс адамдармен сөйлеспеу, сондай-ақ қауіпті орындарға — құрылыстарға, су айдындарына және қараусыз ғимараттарға бармау туралы түсіндіру қажет. Қоғамдық орындарда өзін дұрыс ұстау мәдениетін қалыптастыру де маңызды.
Полиция қызметкерлері ата-аналарды балалардың бос уақытын тиімді ұйымдастыруға шақырады. Спортпен шұғылдану, кітап оқу және отбасымен бірге уақыт өткізу сияқты пайдалы істерге бағыттау — олардың қауіпсіз әрі мазмұнды демалуына ықпал етеді.
Балалардың қауіпсіздігі — ең алдымен ата-ананың жауапкершілігі екенін ұмытпайық.
https://www.instagram.com/reel/DWYyPL4DCKb/?utm_source=ig_web_copy_link&igsh=MzRlODBiNWFlZA==
Ақпарат көзі : https://www.gov.kz/memleket/entities/mvd-mangystau/press/news/details/1188934?lang=kk
Жауап қалдыру Жауапты болдырмау