Қасым-Жомарт Тоқаев атап өткендей, қазіргі жаһандану дәуірінде инвестиция тарту – кез келген мемлекеттің бәсекеге қабілеттілігін арттыратын негізгі факторлардың бірі.
Инвестиция – бұл тек қаржы ғана емес, ол жаңа технологиялар, тың мүмкіндіктер мен жұмыс орындарының көзі. Әлемде инвестицияға деген бәсеке күшейген сайын, әрбір ел өз мүмкіндігін тиімді пайдаланып, инвесторларға қолайлы жағдай жасауы тиіс. Осы тұрғыда Қазақстанның жаңа инвестициялық кезеңді бастауға ұмтылысы – уақыт талабына сай қабылданған дұрыс шешім. Бұл бастама ел экономикасының тұрақты өсіміне, өндірістің дамуына және халықтың әл-ауқатының жақсаруына зор ықпал етеді. Әсіресе, заманауи технологиялар мен инновацияларды енгізу арқылы Қазақстанның халықаралық деңгейдегі беделі артып, бәсекеге қабілетті мемлекет ретінде орны нығая түседі. Инвестиция тарту – болашаққа жасалған сенімді қадам. Бұл бағыттағы жүйелі жұмыс еліміздің дамуына жаңа серпін беріп, жарқын болашаққа жол ашады.
Ақпарат көзі : https://www.gov.kz/memleket/entities/karaganda-shet-akshoky/press/news/details/1190312?lang=kk
Жауап қалдыру Жауапты болдырмау