“Демалыс” ЖПІШ: Абай облысында 1 күнде 50 ден астам құқық бұзушылықтың жолы кесілді.

Абай облысының аумағында кәмелетке толмағандар арасындағы құқық бұзушылықтардың алдын алу, олардың құқықтық санасын қалыптастыру және мектеп каникулы кезеңінде қауіпсіздігін қамтамасыз ету мақсатында 26–28 наурыз аралығында «Демалыс» жедел профилактикалық іс-шарасы өткізілуде.

Профилактикалық жұмыс шеңберінде кәмелетке толмағандардың жаппай жиналатын орындарына ерекше назар аударылуда. Атап айтқанда, компьютерлік клубтар, сауда-ойын-сауық орталықтары, аулалар мен саябақтар, сондай-ақ өзге де қоғамдық орындар тұрақты түрде тексеріліп, рейдтік іс-шаралар жүргізілуде. Бұл шаралар жасөспірімдердің құқық бұзушылықтарға тартылуының алдын алуға, олардың қауіпсіздігін қамтамасыз етуге және заң талаптарының сақталуын бақылауға мүмкіндік береді.

Өткізілген іс-шаралар нәтижесінде «Демалыс» жедел профилактикалық іс-шарасы аясында 54 құқық бұзушылықтың жолы кесілді. Сонымен қатар, тұрғылықты мекенжайы бойынша профилактикалық есепте тұрған 32 кәмелетке толмаған жасөспірім тексеріліп, олармен және олардың ата-аналарымен түсіндіру жұмыстары жүргізілді.

Ерекше назар түнгі уақытта жасөспірімдердің заңды өкілдерінсіз жүру фактілеріне аударылды. Нәтижесінде, белгіленген уақыттан тыс ата-анасының немесе заңды өкілдерінің қарауынсыз жүрген 51 жасөспірім анықталды.

Кәмелетке толмағандардың түнгi уақытта ойын-сауық мекемелерiнде болуы бойынша 2 жасөспірім анықталды.

Сондай-ақ, 42 қолайсыз отбасы тексерілді.

 «Демалыс» жедел профилактикалық іс-шарасы жасөспірімдер арасындағы құқық бұзушылықтардың алдын алуда, олардың қауіпсіздігін қамтамасыз етуде және қоғамдағы құқықтық тәртіпті нығайтуда маңызды рөл атқарады.

Ақпарат көзі : https://www.gov.kz/memleket/entities/mvd-abay/press/news/details/1191651?lang=kk