Көлік полицейлері теміржол торабында ірі көлемдегі есірткі затын анықтады

Түрксіб станциясындағы көліктегі полиция бөлімінің қызметкерлері аса ірі көлемде есірткі заттарын заңсыз сақтау фактісін анықтады.

Ағымдағы жылдың ақпан айында көлік полицейлері Меркі ауданының теміржол торабы аумағында жүргізілген жедел-профилактикалық іс-шаралар барысында Жамбыл облысының 33 және 53 жастағы екі тұрғыны анықтап, ұстады. Тексеру барысында олардан өзіне тән иісі бар өсімдік тектес заттар салынған пакеттер табылды.

Тәркіленген зат – жалпы салмағы шамамен 3,5 кг марихуана болып шықты.

Ұсталғандар есірткі заттарын заңсыз жинап, жеке пайдалану үшін сақтағанын мойындады.

Аталған факті бойынша сотқа дейінгі тергеп-тексеру жүргізідді.

Сот оларды аса ірі көлемде есірткі заттарын заңсыз сақтау бойынша кінәлі деп танып, әрқайсына 3 жыл 4 ай мерзімге бас бостандығынан айыру жазасын тағайындады.

Көлік полицейлері заңсыз есірткі айналымымен байланысты қылмыстарды анықтау және жолын кесу бойынша жұмыстарды жалғастыруда.

Ақпарат көзі : https://www.gov.kz/memleket/entities/mvd-transport/press/news/details/1192049?lang=kk