«Қауіпсіз үй»: Абай облысында 4 күн ішінді 6300-ден аса рейд жүргізілді.

Ағымдағы жылдың 26 мен 29 наурызы аралығында облыс аумағында құқық бұзушылықтардың алдын алу мақсатында «Қауіпсіз үй» жедел профилактикалық іс-шарасыөткізілді. Іс-шара аясында жергілікті атқарушы органдардың қызметкерлерімен, блогерлермен, еріктілермен, құқық қорғау бағытындағы қоғамдық бірлестіктердің мүшелерімен және басқа да мүдделі тұлғалармен тығыз өзара іс-қимыл орнатылды.

Рейдтік іс-шара барысында тұрғын үйлер мен жеке сектордағы қауіпсіздік жағдайы жан-жақты тексеріліп, қоғамдағы құқықтық тәртіпті сақтау мәселелері бақылауға алынды. Осы кезеңде жалпы 6386 рейдтік жұмыс жүргізіліп, 1252 есептегі тұлға тексерілді, 668 құқық бұзушылықтың жолы кесілді.

Іс-шараның негізгі мақсаты – тұрғындар арасында құқықтық сауаттылықты арттыру, тұрғын үй аумақтарындағы құқық бұзушылықтардың алдын алу және қоғамда қауіпсіз орта қалыптастыру.

Сонымен қатар, рейдтік тексерістер арқылы жергілікті атқарушы органдар мен құқық қорғау қызметкерлері тұрғындардың сұрақтарына тікелей жауап беріп, құқықтық кеңестер ұсынды.

Ақпарат көзі : https://www.gov.kz/memleket/entities/mvd-abay/press/news/details/1191662?lang=kk