2026 жылдың сәуір айында Қазақстан ел қонақтарын ұлттық оқиғалар күнтізбесіне енген іс-шараларға шақырады. Сәуір айының бағдарламасы мәдени, этномәдени және технологиялық бағыттарды біріктіріп, өңірлердің туристік әлеуетін арттыруға, сондай-ақ ішкі және шетелдік туристерді тартуға мүмкіндік береді.
🔹 22-26 сәуір аралығында Астанада Eurasian Book Fair халықаралық кітап көрмесі өтеді. Көрме аясында жаңа кітаптардың таныстырылымдары, авторлармен кездесулер, кәсіби пікірталастар мен білім беру сессиялары ұйымдастырылады.
🔹 23-24 сәуір күндері Жамбыл облысында «Тараз қолөнершілер қаласы» этномәдени фестивалі өтеді. Қонақтарға қолөнер көшесі, шеберлік сабақтары және халық шеберлерінің көрмелері ұсынылады.
🔹 26 сәуірде Қостанай облысында инженерлік квесттерді, интерактивті зертханаларды және өндіріс орындарына экскурсияларды біріктіретін TechTrail Qostanai отбасылық техно-фестивалі өтеді.
Туризм және спорт министрлігі 2026 жылға арналған мәдени-туристік іс-шаралар күнтізбесі қалыптастырылғанын еске салады. Күнтізбеге ел бойынша өтетін 55 ірі іс-шара енгізілген. Олардың қатарында мәдени, этномәдени, спорттық, гастрономиялық және экологиялық бағыттағы жобалар бар. Бұл бастама ішкі туризмді дамытуға, туристік бағыттарды кеңейтуге және өңірлік брендтерді ілгерілетуге бағытталған.
📌 Айта кету керек, жыл басынан бері күнтізбеге енген бірқатар іс-шаралар жоғары деңгейде ұйымдастырылды. Атап айтқанда, Burabay Ice, Қысқы дрифт кубогы, «Амал келді – жыл келді» халықаралық гастрономиялық фестивалі, сондай-ақ Шымкент қаласында өткен «Дәмдәстүр» фестивалі мыңдаған көрермен мен туристі жинады.
Маңыздысы, оқиғалар күнтізбесіне енгізілген барлық іс-шаралар бірыңғай платформада жинақталған. Іс-шаралар, олардың өтетін уақыты мен орындары туралы толық ақпаратты event.qaztourism.kz сайтынан көруге болады. Бұл туристерге сапарын алдын ала жоспарлап, өздерін қызықтырған іс-шараларды таңдауға мүмкіндік береді.
Ақпарат көзі : https://www.gov.kz/memleket/entities/tsm/press/news/details/1191586?lang=kk
Жауап қалдыру Жауапты болдырмау