Салық төлеушінің қызметін мәжбүрлеу тәртібімен тоқтату ерекшеліктері бойынша

Қазақстан Республикасы Қаржы министрінің 2025 жылғы 28 қазандағы № 640 бұйрығының 7 тарауы 46,47 48 49 тармақшаларына сәйкес,  Қазақстан Республикасының Салық кодексінің 109-бабына сәйкес мәжбүрлі түрде қызметін тоқтатуға мынадай шарттарға бір мезгілде сәйкестенетін және талап қою мерзімі ішінде әрекетсіз салық төлеушілер тізіліміне енгізілген салық төлеуші жатады:

      1) өз бетінше салық есептілігін тапсырмаған;

      2) экспорттық-импорттық операцияларды жүзеге асырмаған;

      3) банктік шоттар бойынша төлемдер және (немесе) ақша аударымдарын жүзеге асырмаған;

      4) қосылған құн салығы бойынша тіркеу есебіне қойылмаған;

      5) басқа заңды тұлғаның басшысы және (немесе) құрылтайшысы, бірлескен кәсіпкерліктің қатысушысы болып табылмайтын;

      6) қайта ұйымдастырылмаған немесе қайта ұйымдастырылған заңды тұлғаның құқық мирасқоры болып табылмайтын;

      7) салық есептілігін ұсынуды тоқтатпаған;

      8) жеке тұлғаларға тиесілі салық салу объектілерінен басқа, мүлік, көлік құралдары, жер салығы бойынша салық салу объектілеріне меншік құқығы жоқ;

      9) әлеуметтік төлемдер бойынша берешегі жоқ;

      10) бюджетке салықтар мен төлемдер, кедендік төлемдер мен салықтар бойынша берешегі, тиісті қаржы жылының 1 қаңтарындағы жағдай бойынша қолданыстағы айлық есептік көрсеткіштің 6 еселенген мөлшерінен аспайтын.

47. Мәжбүрлі түрде қызметін тоқтатуға жатпайтын салық төлеушілер:

      1) салықтық мониторингке жататын;

      2) жер қойнауын пайдалану шартына сәйкес қызметті жүзеге асыратын;

      3) камералдық бақылау, салықтық тексерулер нәтижелері бойынша бұзушылықтарды жою туралы хабарлама бойынша орындалмаған не түсініктеме ұсыну жолымен орындалған хабарламасы бар салық төлеушілер – осындай бұзушылықтар болған жағдайда;

      4) сот орындаушылары және (немесе) өзге уәкілетті органдар қолданған шаралар (тұтқынға алу, шектеулер) қолданылған салық төлеушілер;

      5) ұлттық және (немесе) шетел валютасын репатриациялау мақсатында валюталық бақылау рәсімдері аяқталмаған экспорт немесе импорт бойынша валюталық шарттың тарапы болып табылатын немесе табылған салық төлеушілер;

      6) талап қою мерзімі ішінде банктік шоттар бойынша төлемдер және (немесе) ақша аударымдарын жүзеге асырған салық төлеушілер.

48. Мемлекеттік кіріс органдарының іс-әрекеттері:

      1) жыл сайын 1 наурыздан кешіктірмей мәжбүрлі түрде қызметін тоқтатуға жататын салық төлеушілердің бастапқы тізімін қалыптастырады;

      2) жыл сайын 1 сәуірден кешіктірмей мәжбүрлі түрде таратылатын салық төлеушілердің тізбесін бұқаралық ақпарат құралдарында келесі мәліметтерді көрсете отырып орналастырады:

      жеке сәйкестендіру нөмірі, бизнес-сәйкестендіру нөмірі;

      салық төлеушінің тіркеу нөмірі;

      жеке тұлғаның тегі, аты және әкесінің аты (жеке басын куәландыратын құжатта көрсетілген болса), не заңды тұлғаның атауы;

      субъект орналасқан жердегі мемлекеттік кіріс органының атауы;

      салық төлеушіні мәжбүрлі тарату жағдайында несие берушілердің және (немесе) құқықтары мен заңды мүдделері бұзылатын өзге де тұлғалардың өтініштерін (шағымдарын) қабылдау үшін мемлекеттік кіріс органының мекенжайы;

      3) жыл сайын 1 мамырдан кешіктірмей сұрау жолдайды:

      екінші деңгейлі банктер мен жекелеген банктік операцияларды жүзеге асыратын ұйымдарға – төлемдер және (немесе) ақша аударымдары туралы;

      уәкілетті мемлекеттік органдарға – мүліктің, көлік құралдарының, жер учаскелерінің болуы туралы;

      тіркеуші органға – нөмірлер тізілімінде мәліметтердің бар (жоқтығы) туралы;

      4) жыл сайын 1 маусымнан кешіктірмей несие берушілердің немесе өзге де тұлғалардың өтініштерін (шағымдарын) қабылдайды;

      5) жыл сайын 1 шілдеден кешіктірмей мәжбүрлі таратылуға жататын салық төлеушілердің соңғы тізімін қалыптастырады;

      6) жыл сайын 1 қыркүйектен кешіктірмей мәжбүрлі түрде тарату туралы талап арыздарды сотқа жолдайды.

      Салық төлеушінің қызметі Салық кодексінің 109 бабының және Қазақстан Республикасының Азаматтық кодексінің 49 бабына сәйкес заңды күшіне енген сот актісінің негізінде мәжбүрлі түрде тоқтатылады.

49. Заңды тұлға мемлекеттік кіріс органына заңды тұлғаның таратылғаны туралы “Бизнес-регистр” жүйесінен (ЗТ МДҚ) хабарлама келіп түскеннен кейін ғана тіркеу есебінен шығарылды деп есептеледі.

      Егер СТ МДҚ-нан хабарлама келіп түспесе, заңды тұлға тіркеу есебінен шығарылмаған болып есептеледі.

      Дара кәсіпкер – мәжбүрлі түрде тарату себебінен есептен шығару туралы өтініш мемлекеттік кіріс органы қызметкері тарапынан жүйеге енгізілгеннен кейін тіркеу есебінен шығарылған болып есептеледі.

 

        Салық төлеушілерге қатысты талаптар туындаған жағдайда, тіркеу орны бойынша төмендегі Мемлекеттік кірістер органдарына өтініштермен хабарласуға болады:

1. Атырау қаласы бойынша Мемлекеттік кірістер басқармасы – Атырау қаласы, Абай көшесі 10 «А» үй;
2. Атырау облысы, Жылыой ауданы бойынша Мемлекеттік кірістер басқармасы – Құлсары қаласы, Жылыой ауданы, Ж.Ізтұрғанов көшесі 7 үй;   
3.  Атырау облысы, Құрманғазы ауданы бойынша Мемлекеттік кірістер басқармасы – Құрманғазы селосы, Ш.Сәтеков көшесі, 1 үй;             
4. Атырау облысы, Махамбет ауданы бойынша Мемлекеттік кірістер басқармасы- Махамбет ауданы, Абай көшесі, 13 үй;

      

 

             Атырау облысы бойынша Мемлекеттік кірістер департаменті

Ақпарат көзі : https://www.gov.kz/memleket/entities/kgd-atyrau/press/news/details/1191286?lang=kk