БАЛАЛАРДЫ ТЕРЕЗЕДЕН ҚҰЛАП КЕТУДЕН ҚОРҒАЙЫҚ!

Соңғы жылдары Қазақстанда көпқабатты тұрғын үйлердің терезелерінен балалардың құлау жағдайларының көбеюі алаңдаушылық туғызуда. Өткен жылдың өзінде «112» қызметіне осындай 237 оқиға тіркеліп, оның 45-і қайғылы жағдаймен аяқталған.

Бұл жағдайлардың негізгі себептері:

• ересектер тарапынан бақылаудың жеткіліксіздігі;

• терезелерде  қауіпсіздік    құрылғыларының   болмауы немесе дұрыс

қолданылмауы;

• терезе конструкцияларының балалар үшін қауіпті болуы.

ЕСКЕ САЛАМЫЗ:

Қолданыстағы нормативтерге сәйкес тұрғын үйлердегі терезелер қауіпсіздік құлыптарымен немесе арнайы шектеуіш құрылғылармен жабдықталуы тиіс.

АТА-АНАЛАРҒА МАҢЫЗДЫ ЕСКЕРТУ:

• Балаларды қараусыз қалдырмаңыз, әсіресе ашық терезе жанында;

• Терезе алдына жиһаз қоймаңыз (бала шығып кетуі мүмкін);

• Терезелерге арнайы бұғаттауыштар мен шектеуіштер орнатыңыз;

• Москит торлар баланы ұстап қалмайтынын ұмытпаңыз!

Баланың қауіпсіздігі – ең алдымен сіздердің жауапкершілігіңізде. Қарапайым сақтық шаралары қайғылы жағдайларды алдын алуға көмектеседі.

Балалардың өмірі мен денсаулығы – басты құндылық!

Ақпарат көзі : https://www.gov.kz/memleket/entities/pavlodar-edu/press/news/details/1193547?lang=kk