Шортанды ауданы әкімдігінің мәжіліс залында сегізінші шақырылымның кезекті 50-ші сессиясы өтті.

Оған аудан әкімі С.Шабаров, Қоғамдық кеңес мүшелері, ауылдық округтер мен кент әкімдері, сондай-ақ аудан бөлімдері мен ұйымдарының басшылары қатысты.

Күн тәртібіндегі басты мәселе – «Шортанды ауданы әкімінің өзіне жүктелген функциялар мен міндеттерді орындауы туралы есебі». Аудан әкімі С.Шабаров баяндама жасап, есепті кезеңдегі негізгі жетістіктерге тоқталып, әлеуметтік-экономикалық даму, абаттандыру, инвестиция тарту, шағын және орта бизнесті дамыту және экологиялық мәселелерді шешу бағыттарындағы жоспарлар мен қиындықтар мен өзекті мәселелерді егжей-тегжейлі баяндады.

Сессия барысында депутаттар талқылауға қатысып, сұрақтар қойды және алдағы жұмыстарды күшейтуге қатысты ұсыныстарын білдірді. Сонымен қатар, аудандық бюджетке, әлеуметтік көмек көрсету және тұрғын үй көмегін беру тәртібіне өзгерістер енгізіліп, кейбір ұйым қызметкерлеріне ынталандырушы үстемеақылар белгіленді.

Ақпарат көзі : https://www.gov.kz/memleket/entities/aqmola-shortandy/press/news/details/1193485?lang=kk