2026 жылғы 1 сәуірінде Департаменттің бас мамандары Есалиева Л.Б., Боранқұлов А.С. өңір кәсіпкерлерінің қатысуымен Ақтөбе облысының Кәсіпкерлер палатасы алаңында өткен семинарға қатысты.
Есалиева Л.Б. Қазақстан Республикасы Еңбек кодексінің 23-бабы 2-тармағының 27) тармақшасына сәйкес жұмыс беруші қызметкермен еңбек шартын жасасу және тоқтату, оған өзгерістер және (немесе) толықтырулар енгізу, сондай-ақ осы Кодекстің 99-бабында көзделген демалыстарды беру туралы мәліметтерді еңбек шарттарын есепке алудың бірыңғай жүйесіне (ЕШЕАБЖ) енгізуге міндетті екенін түсіндірді.
Боранқұлов А.С. Қазақстан Республикасы Еңбек кодексінің 23-бабы 2-тармағының 15) тармақшасына сәйкес жұмыс беруші қызметкерді еңбек (қызметтік) міндеттерін орындау кезінде жазатайым оқиғалардан сақтандыруға міндетті екенін хабарлады.
Қызметкерді жазатайым оқиғалардан міндетті сақтандырудың мақсаты – еңбек (қызметтік) міндеттерін орындау барысында өмірі мен денсаулығына зиян келтірілген қызметкерлердің мүліктік мүдделерін сақтандыру төлемдері арқылы қорғауды қамтамасыз ету.
Аталған сақтандыру түрі ұйымдық-құқықтық нысанына қарамастан, мемлекеттік тіркеуден өткен сәттен бастап барлық заңды тұлғалар мен жеке кәсіпкерлер үшін міндетті болып табылады.
Кездесу диалог форматында өтті, оның барысында Департамент мамандары қатысушылардың сұрақтарына жауап берді.
Ақпарат көзі : https://www.gov.kz/memleket/entities/aktobe-inspection/press/news/details/1197724?lang=kk
Жауап қалдыру Жауапты болдырмау