2026 жылғы су тасқыны кезеңінде Қазақстан ТЖМ әскери бөлімдері Ақмола, Қарағанды, Қостанай, Шығыс Қазақстан, Солтүстік Қазақстан және Абай облыстарында су тасқыны қаупі бар учаскелерде алдын алу шараларын жүргізді.
Су тасқынына қарсы іс-шараларды орындауға ТЖМ-нің бес әскери бөлімінен 426 әскери қызметші және 23 бірлік арнайы, инженерлік және жүк техникасы жұмылдырылды. Авариялық-құтқару және профилактикалық жұмыстарға қатысуының жалпы ұзақтығы шамамен 30 күнді құрады.
Атап айтқанда 28237 әскери бөлімінің әскери қызметшілері Солтүстік Қазақстан облысында міндеттерін орындауды жалғастыруда, мұнда су тасқыны қаупі әлі де жоғары деңгейде сақталуда. Қалған бөлімшелер бекітілген учаскелердегі жұмыстарды сәтті аяқтап, тұрақты орналасу орындарына оралды.
Су тасқынына қарсы іс-шаралар барысында әскери қызметшілер ауқымды жұмыстар атқарды: 15 мыңнан астам метр өзен және су бұру арналары тазартылды, шамамен 1 мың тонна қар шығарылды, сондай-ақ инертті материалдар салынған 12 мыңға жуық қап дайындалды және төселді. Бұдан бөлек елді мекендер аумақтарынан еріген су сорылып, шамамен 7 мың тонна инертті материал жеткізілді.
Жұмыстың ажырамас бөлігі профилактика болды: әскери қызметшілер тұрғын секторларды аралап, халықпен су тасқыны кезеңіндегі қауіпсіздік шаралары мен мінез-құлық ережелері бойынша түсіндіру жұмыстарын жүргізді.
Жүргізілген іс-шаралар су басу қаупін едәуір төмендетуге және елдің су тасқыны қаупі бар өңірлерінде халықтың қауіпсіздігін қамтамасыз етуге мүмкіндік берді.
Ақпарат көзі : https://www.gov.kz/memleket/entities/emer/press/news/details/1197056?lang=kk
Жауап қалдыру Жауапты болдырмау