Мәслихат депутаттары әуе айлағын реконструкциялау және кеңейту жұмыстарының барысымен танысу мақсатында Нұрсұлтан Назарбаев атындағы халықаралық әуежайға барды.
Сапар аясында терминалдардың негізгі аймақтары, оның ішінде ұшып кету және келу залдары, тіркеу және тексеру аймақтары, сондай-ақ сервистік инфрақұрылым нысандары қаралды. Әуежайдың өткізу қабілеті, жолаушыларға қызмет көрсету сапасы және қауіпсіздік деңгейі мәселелеріне ерекше назар аударылды.
Әуежай басшылығымен бірлесіп, қызметтің өзекті мәселелері, жаңғыртудың ағымдағы кезеңдері және инфрақұрылымды одан әрі дамыту жоспарлары талқыланды. Сонымен қатар, жолаушыларға қолайлы жағдай жасау, заманауи цифрлық шешімдерді енгізу және логистиканы жақсарту бойынша шаралар қарастырылды.
Кездесу барысында әуежайды елорданың туристік және іскерлік әлеуетінің өсуіне ықпал ететін маңызды көлік хабы ретінде дамыту перспективалары да қозғалды.
Ақпарат көзі : https://www.gov.kz/memleket/entities/astana-maslihat/press/news/details/1197860?lang=kk
Жауап қалдыру Жауапты болдырмау