Қарағанды облысында республикалық жастар еңбек жасағы бағдарламасы «Жасыл ел – 2026»-ға өтініш қабылдау басталды. Қазіргі уақытта құжаттар тек Балқашта қабылдануда. Жақын арада өтініштерді облыстың тағы 11 қаласы мен ауданында қабылдау басталады.
Қарағандыда өтініштер қабылдау шамамен 20 сәуірде басталады. Құжаттарды @qaragandy_jastary аккаунты арқылы жолдауға болады: профильдегі сілтемеге өтіп, сауалнама толтырып, қажетті құжаттарды PDF форматында тіркеу қажет.
Шахтинск қаласы мен Абай ауданында өтініш қабылдау 13 сәуірде басталады.
Саран қаласында да, Қарағанды сияқты, құжаттар 20 сәуірден бастап қабылданады.
Кейінірек, 4 мамырдан бастап, қатысушыларды қабылдау Приозерск, Ақтоғай, Бұқар жырау және Қарқаралы аудандарында басталады.
10 мамырдан бастап Шет ауданында, 11 мамырдан – Теміртау қаласында, 15 мамырдан – Осакаров ауданында құжаттар қабылданады.
Құжаттарды тапсыру туралы толық ақпаратты өз тұрғылықты жеріндегі жастар ресурстық орталықтарынан алуға болады. Аталған күндер алдын ала көрсетілген, өтініштер қабылдау нақты мерзімдері қосымша жарияланады.
«Жасыл ел» еңбек жасақтарына қабылдану үшін қажетті құжаттарды алдын ала дайындау ұсынылады. Оларға мыналар кіреді:
1. «Жасыл ел» еңбек маусымына қатысуға онлайн-өтініш.
2. Жеке куәлік көшірмесі (16 жастан асқандар үшін) немесе туу туралы куәлік (14–15 жастағылар үшін). Жасөспірімдер үшін ата-ана немесе заңды өкілдің жеке куәлігінің көшірмесі де қажет.
3. Жасөспірімдер үшін ата-ана немесе заңды өкілдің рұқсат хат өтініші (үлгісі қосымша берілетін болады).
4. QR-код бар 075/У формалы медициналық анықтама.
5. Әлеуметтік осал топқа жататынын растайтын құжат (бар болса).
Бағдарламаға 14-тен 34 жасқа дейінгі жастар қатыса алады.
Ақпарат көзі : https://www.gov.kz/memleket/entities/karaganda/press/news/details/1197843?lang=kk
Жауап қалдыру Жауапты болдырмау