Талдықорған қаласында «Есірткіге қарсы күрес» акциясы аясында «Jet Up» футбол лигасы сәтті өтті. Аталған шара жастар арасында салауатты өмір салтын насихаттауға және зиянды әдеттердің алдын алуға бағытталған маңызды спорттық бастама болды.
Акцияның басты мақсаты – жастарды спортқа баулу арқылы олардың денсаулығын нығайту, бос уақытын тиімді ұйымдастыру, сондай-ақ жауапкершілік, командалық рух және салауатты өмір салты құндылықтарын қалыптастыру.
Іс-шара Қазақстан Республикасының Мемлекеттік Әнұранын орындаумен басталып, одан кейін салтанатты ашылу рәсімі өтті. Қатысушылар бір-бірімен танысып, ұйымдастырушылар турнирдің ережелері мен өткізу тәртібін түсіндірді. Бұдан соң командалар турнирлік кесте бойынша өзара ойын өткізіп, жоғары деңгейдегі шеберлік пен жеңіске деген ұмтылысын көрсетті.
Негізгі ойындар аяқталғаннан кейін қатысушылар үшін шағын концерттік үзіліс ұйымдастырылып, достық пен көтеріңкі көңіл-күй сыйлаған музыкалық бағдарлама ұсынылды.
Жарыс қорытындысы бойынша I, II және III орын алған командалар кубоктармен және медальдармен марапатталды. Сонымен қатар «Үздік ойыншы» және «Үздік қақпашы» номинациялары бойынша жеңімпаздар анықталып, арнайы сыйлықтар табысталды. Ерекше белсенділік танытқан қатысушылар алғыс хаттар мен бағалы сыйлықтарға ие болды.
Іс-шара соңында жеңімпаздарды марапаттау рәсімі өтіп, турнир ресми түрде жабылды.
Ақпарат көзі : https://www.gov.kz/memleket/entities/zhetysu-comdev/press/news/details/1199065?lang=kk
Жауап қалдыру Жауапты болдырмау