Абай облысы Полиция департаментінде гарнизондық таралым өтті: қоғамдық қауіпсіздік – басты назарда

Абай облысы Полиция департаментінде гарнизондық таралым өткізіліп, жеке құрамға қоғамдық қауіпсіздікті қамтамасыз ету, құқықтық тәртіпті сақтау және құқық бұзушылықтардың алдын алу бағытындағы нақты міндеттер жүктелді.

Іс-шара барысында көшелер мен қоғамдық орындардағы бақылауды күшейту, профилактикалық жұмысты жандандыру, есепте тұрған тұлғаларды уақтылы тексеру, сондай-ақ азаматтардың тыныштығы мен қауіпсіздігін қамтамасыз ету мәселелері негізгі басымдық ретінде айқындалды.

Осындай мазмұндағы таралымдар аумақтық бөліністерде де ұйымдастырылып, өңір бойынша құқықтық тәртіпті нығайтуға бағытталған жұмыстар жүйелі түрде жалғасатыны атап өтілді.

Абай облысы Полиция департаменті бастығының орынбасары полиция полковнигі Байкенов Жасұлан қоғамдық қауіпсіздікті қамтамасыз ету ісінде тәртіп, жауапкершілік және халықпен ашық қарым-қатынастың маңызын ерекше атап өтті.

«Қоғамдық қауіпсіздік пен құқықтық тәртіпті сақтау – полиция қызметінің басты міндеттерінің бірі. Әрбір қызметкер өзіне жүктелген міндетті жоғары жауапкершілікпен атқарып, азаматтармен қарым-қатынаста әдептілік пен заңдылық қағидаттарын берік ұстануы тиіс. Халықтың сенімі – біздің жұмысымыздың басты көрсеткіші», – деді полиция полковнигі Жасұлан Байкенов.

Таралым барысында қоғамдық орындарда құқық бұзушылықтардың алдын алу, жедел жағдайға дер кезінде әрекет ету, халықпен профилактикалық жұмысты күшейту және қызмет атқару барысында заң талаптарын мүлтіксіз сақтау міндеттері пысықталды.

Гарнизондық жиын қорытындысы бойынша құрылымдық және аумақтық бөлімшелерге нақты тапсырмалар беріліп, олардың орындалуы басшылықтың тұрақты бақылауына алынды.

Қоғамдық тәртіп пен қауіпсіздікті қамтамасыз ету – күнделікті қызметтің ғана емес, ел алдындағы жауапкершіліктің көрінісі. Ал бұл міндетті сапалы орындау кәсібилік пен жоғары тәртіпті талап етеді.

Ақпарат көзі : https://www.gov.kz/memleket/entities/mvd-abay/press/news/details/1199969?lang=kk