Бүгін онлайн форматында аудан мектептерінің директорларымен жұмыс кеңесі өткізілді, онда білім беру сапасын арттыру жөніндегі аудандық жоспарды іске асырудың негізгі мәселелері талқыланды.
Кеңес барысында оқушылардың нақты нәтижелері, проблемалық аймақтары және әрбір білім алушылардың дайындық деңгейі үшін жауапкершілікті атап өттік.
«Testter.kz» платформасындағы жұмысты жандандыруға ерекше назар аударылды. Бұл білімді объективті бағалаудың маңызды құралы. Міндет – жай ғана платформаны пайдалану емес, оның негізінде жүйелі жұмыс құру: талдау, қорытындылар және нәтижелерді жақсарту бойынша нақты қадамдар.
«Алтын белгіге» және ерекше үлгідегі аттестаттарға құжаттарды рәсімдеу мәселелеріне жеке тоқталды. Бұл жерде барлық талаптарды қатаң сақтау маңызды.
Сондай-ақ, ҰБТ бойынша жұмысты ұйымдастыру мәселесі талқыланды. Түлектерді тіркеу және даярлау белсенді, сауатты және дұрыс бағытта жүргізілуі тиіс. Оқушыларды сапалы даярлауды және барлық кезеңдерде қолдау көрсету өте маңызды.
Кездесу қорытындысы бойынша басшылардың алдына нақты міндеттер қойылды. Басты мақсат – оқушыларымыздың нақты білімі мен лайықты нәтижелері.
Ақпарат көзі : https://www.gov.kz/memleket/entities/aiyrtau-edu/press/news/details/1199894?lang=kk
Жауап қалдыру Жауапты болдырмау