2026 жылғы 14 сәуір күні Кербұлақ ауданының әкімі Жүнісбеков Жанат Төлегенұлы Сарыбұлақ ауылдық округіне қарасты елді мекен тұрғындарымен тұрақты кездесу өткізді. Кездесу барысында ауылдардың әлеуметтік-экономикалық дамуына қатысты бірқатар өзекті мәселелер көтеріліп, тұрғындар өз ұсыныстары мен сұрақтарын білдірді. Аудан әкімі және тиісті бөлім басшылары көтерілген мәселелер бойынша түсіндірме беріп, оларды кезең-кезеңімен шешу бағытында жұмыс жүргізілетінін атап өтті.
Кездесу барысында келесі мәселелер қаралды:
Шилісу ауылы бойынша:
Шилісу ауылында жүргізілген ауыз су жүйесінің құрылыс жұмыстарын толық аяқтау, атап айтқанда құдықтардың (колодецтердің) айналасын қайта бетондау, тегістеу және абаттандыру жұмыстарын жүргізу; елді мекенді табиғи газбен қамтамасыз ету, газ тарату желілерін жүргізу және тұрғын үйлерді кезең-кезеңімен газ жүйесіне қосу; елді мекен аумағында мобильдік байланыстың жоқтығы; электр желілерінің тозуы және трансформатордың ескіруіне байланысты электрмен жабдықтау сапасының төмендеуі; сондай-ақ фельдшерлік-акушерлік пункт ғимаратының тозуына байланысты жаңа ғимарат салу қажеттілігі көтерілді.
Қарағаш ауылы бойынша:
Құм көшуіне байланысты елді мекеннің кіре беріс аумағына эко-барьер орнату; тұрғын үйлерді табиғи газ жүйесіне кезең-кезеңімен қосу; электр желілерінің тозуына байланысты жөндеу жұмыстарын жүргізу; балалар ойын алаңы мен спорттық алаңға ағымдағы жөндеу жұмыстарын жүргізу; ауылшаруашылық мақсатта жер учаскесін беру мәселелері қаралды.
Қазынсу ауылы бойынша:
Елді мекенді ауыз сумен қамтамасыз ету үшін орталықтандырылған су жүйесін жүргізу мәселесі көтерілді.
Кездесу қорытындысы бойынша көтерілген барлық мәселелер тиісті салалық бөлімдер тарапынан зерделеніп, заңнама аясында кезең-кезеңімен шешу бойынша нақты жұмыстар атқарылатын болады.
Ақпарат көзі : https://www.gov.kz/memleket/entities/zhetysu-kerbulak-sarybulak/press/news/details/1200567?lang=kk
Жауап қалдыру Жауапты болдырмау