Құрметті Мақтаарал ауданының тұрғындары!
Қазақстан Республикасының 2025 жылғы 30 желтоқсандағы «Құқық бұзушылық профилактикасы туралы» Заңы аясында 2026 жылғы 2 наурыздан бастап Қазақстан Республикасының Әкімшілік құқық бұзушылық туралы кодексіне енгізілген өзгерістер мен толықтырулар қолданысқа енгізілді.
Аталған заңнамалық түзетулерге сәйкес, жергілікті атқарушы органдардың құзыреттері кеңейтіліп, атап айтқанда:
1) ҚР ӘҚБтК-нің 505-бабы «Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру» бойынша әкімшілік құқық бұзу туралы істерді қарау жөніндегі құзыреттілік;
2) ҚР ӘҚБтК-нің 434-2-бабы «Ортақ пайдаланылатын орындарды ластау» бойынша хаттама жасау құқығы;
3) ҚР ӘҚБтК-нің жаңа 456-3-бабының 1-бөлігі «Қазақстан Республикасының аумағында шетелдік бұқаралық ақпарат құралдарының және шетелдік журналистердің тиісті аккредиттеусіз кәсіби журналистік қызметпен айналысуы» және осы бабының 2-бөлігі бойынша хаттама жасау жөніндегі құзыреттілік, сондай-ақ істерді қарау құзыреттілігі берілді.
Осы өзгерістер құқық бұзушылықтардың алдын алу жүйесінің тиімділігін арттыруға, құқық қолдану практикасын жетілдіруге, сондай-ақ елді мекендердің санитариялық және эстетикалық жай-күйін қамтамасыз ету саласында жергілікті атқарушы органдардың жауапкершілігін күшейтуге бағытталған.
Осыған байланысты, азаматтарды Қазақстан Республикасының қолданыстағы заңнамасының талаптарын қатаң сақтауға, қоғамдық тәртіпті қамтамасыз етуге және қоршаған ортаға ұқыпты қарауға шақырамыз.
Ақпарат көзі : https://www.gov.kz/memleket/entities/turkestan-maktaaral/press/news/details/1202026?lang=kk
Жауап қалдыру Жауапты болдырмау