Алматы қаласы Туризм басқармасының өкілдері ҚХР Цзянсу провинциясы Сыртқы істер жөніндегі канцеляриясы директорының орынбасары Цзинь Шанцзюнь бастаған делегациямен кездесу өткізді.

Кездесу барысында тараптар туризм саласындағы екіжақты ынтымақтастықты дамыту перспективаларын, сондай-ақ мәдени-гуманитарлық байланыстарды кеңейту мәселелерін талқылады.

Атап айтқанда, Алматы қаласының алдағы халықаралық іс-шараларға қатысуына ерекше назар аударылды. Соның ішінде Цзянсу провинциясының қалада өтетін мәдени апталығының ашылу салтанаты, сондай-ақ қазан айында Нанкин қаласында өтетін Қытай мен Орталық Азия ынтымақтастығы жөніндегі 13-ші форум қаралды.

Кездесу қорытындысы бойынша тараптар туризм және мәдени алмасу салаларындағы әріптестікті нығайтуға және бірлескен бастамаларды іске асыруға өзара мүдделілік танытты.

Ақпарат көзі : https://www.gov.kz/memleket/entities/almaty-tourism/press/news/details/1202603?lang=kk