Қатты жел, бұршақ, жаңбыр және найзағай туралы ДАУЫЛДЫ ЕСКЕРТУ

Төтенше жағдайлар департаменті 16 сәуірдегі №14 дауылды ескерту негізінде келесіні хабарлайды:

17 сәуірде Алматы қаласында кей уақыттарда қатты жаңбыр жауып, найзағай ойнайды, күндіз бұршақ жаууы мүмкін.

Солтүстік-батыс желі соғып, екпіні секундына 15–20 м дейін жетеді.
Іле Алатауының таулы аймақтарында, соның ішінде Медеу және Бостандық аудандарының таулы орындарда 17 сәуірде қатты жауын-шашын (жаңбыр, қар), найзағай күтіледі. Күндіз бұршақ жауып, екпінді жел болуы мүмкін.

Жел оңтүстік-батыстан жел соғып, кейін солтүстік-батысқа ауысады. Жел екпіні секундына 17–22 м, түнде кей жерлерде 23–28 метрге дейін күшейеді.

Ауа райының қолайсыздығына байланысты тауға баруды кейінге қалдыру ұсынылады.

📍 Қала тұрғындарына көліктерді ағаштардың астында қалдырмау ұсынылады!

📍 Сондай-ақ, желдің күшеюі кезінде:
ғимараттардан шығуды шектеу (мүмкіндігінше үй-жайда болу);
егер үйде болсаңыз, терезелер мен есіктерді мықтап жабыңыз.

Ауладан, ашық балкондар мен лоджиялардан үйіңізге зиян келтіруі мүмкін заттарды алып тастаңыз;

көшеде жүргенде жақын кіреберісте немесе дүкенде паналауға тырысыңыз;
билбордтардың, ағаштардың астында, құрылысы аяқталмаған ғимараттарда, сондай-ақ үйлердің қабырғалары маңын паналамаңыз, себебі шатырдан шифер және басқа да жабын материалдары құлауы мүмкін;

қатты жел кезінде электр беру желілерінің астында тұру және үзілген электр сымдарына жақындау өмірге өте қауіпті.

Ақпарат көзі : https://www.gov.kz/memleket/entities/emer-almaty/press/news/details/1202324?lang=kk