Өскемен қаласындағы «Алтын дән» балабақшасында қызықты іс-шара өтті.
Өрт кезінде қалай әрекет ету керек, өрттің алдын алу жолдары қандай, төтенше жағдай қызметінің нөміріне қалай қоңырау шалу қажет – осының барлығын бүгін бүлдіршіндер білді.
Сонымен қатар балалар қауіпсіздік мәдениетін арттыруға бағытталған қызықты эстафетаға қатысты.
Әсіресе, арнайы киімдерді киіп алып, ұл-қыздардың шартты түрде өртпен күрескені көпшілікті тәнті етті.
«Бұл жастағы балалар білімді өте тез қабылдайды», – дейді ШҚО ТЖД Мемлекеттік өрт бақылауы басқармасының аға инженері Мадина Сейткамза.
«Балалар өрттің қандай қауіп төндіретінін, түтін болған жағдайда қалай әрекет ету керектігін үйренеді», – деп атап өтті Мадина Сейткамза.
Осындай форматтағы сабақ балаларға ерекше әсер қалдырды.
Балалармен өткізілетін мұндай жан-жақты сабақтар олардың түрлі төтенше жағдайлар мен оқиғалар кезіндегі қауіпсіздік ережелері бойынша білімін нығайтып, қазіргі заманда аса сақ әрі қырағы болуға үйретеді.
Ақпарат көзі : https://www.gov.kz/memleket/entities/emer-vko/press/news/details/1203052?lang=kk
Жауап қалдыру Жауапты болдырмау