Ұлы Жібек жолының бойында, Алатау мен Қаратаудың түйіскен тұсында орналасқан Түлкібас төрінде қазақ даласының жауһары – Шұбайқызыл қызғалдағына арналған «Шұбайқызыл алауы-2026» фестивалі өз мәресіне жетті.
Бұл тағылымы мол шараның басты мақсаты – табиғаттың ғажайып сыйын дәріптеп қана қоймай, оны көздің қарашығындай сақтауға үндеу болды.
Салтанатты ашылуда аудан әкімі Асқар Естібаев: «Табиғатты қорғау – бұл таңдау емес, бұл – міндет. Бұл – келер ұрпақ алдындағы адалдық. Біз табиғатты қалай сақтасақ, болашақ бізді де солай бағалайды» – деп, көпшілікті табиғат-ананы аялауға шақырды.
Іс-шара барысында аудандық мәслихат төрағасы С.Сәрсенбаев марапаттау рәсіміне қатысып, ал ардагерлер кеңесінің төрағасы С.Қасымбек жүрекжарды лебізін білдіріп, фестивальдің тәрбиелік мәніне ерекше тоқталды.
Фестиваль аясында өткен «Шырайлым Шұбайқызылым» байқауы жас таланттардың шабытына қанат бітірді.
Жас ақындар, суретшілер мен бейнеролик авторлары өз өнерлерін паш етіп, үздіктер марапатталды:
І орын – Дина Есболат
ІІ орын – Индира Қаратаева
ІІІ орын – Зере Бағланбек.
І орын – Ақжол Райхан
ІІ орын – Дархан Әріпбайұлы
ІІІ орын – Ерлан Айдарбеков пен Руслан Орынбай.
І орын – Балқыбеке Нұрислам
ІІ орын – Маратова Сынбат
ІІІ орын – Жансұлу Әбдісаттар және Рысдаулетова Несібелі.
Кеш соңы әсем ән мен көтеріңкі көңіл-күйге ұласып, эстрада әншісі Азат Абилдаев пен жергілікті өнерпаздар көпшілікке ерекше әсер сыйлады.
Сонымен қатар жас суретшілердің көрмесі көрермендердің ыстық ықыласына бөленді.
«Шұбайқызыл алауы» – бұл жай ғана фестиваль емес, бұл туған жерге деген сүйіспеншілік, табиғатқа деген құрмет пен болашаққа деген жауапкершіліктің символы.
Түркістан облысы әкімінің баспасөз қызметі
Ақпарат көзі : https://www.gov.kz/memleket/entities/ontustik/press/news/details/1204055?lang=kk
Жауап қалдыру Жауапты болдырмау