Ақой ауылдық округінде 16-сәуір күні мемлекеттік қызметкерлер арасында сыбайлас жемқорлықтың алдын алу мақсатында маңызды жиналыс өткізілді. Жиын барысында қызметтік әдепті сақтау, заң талаптарын қатаң орындау және жемқорлыққа қарсы мәдениетті қалыптастыру мәселелері кеңінен талқыланды.
Кездесу барысында сыбайлас жемқорлықтың қоғамға тигізер кері әсері айтылып, оның алдын алу әрбір мемлекеттік қызметкердің басты міндеті екені атап өтілді. Сонымен қатар, заң бұзушылықтарға жол бермеу, ашықтық пен әділдікті сақтау қажеттігі жөнінде түсіндіру жұмыстары жүргізілді.
Жиналыс қорытындысында қатысушыларға адал қызмет атқару, халық сенімін ақтау және сыбайлас жемқорлыққа қарсы іс-қимылды күшейту бойынша нақты тапсырмалар берілді.

Ақпарат көзі : https://www.gov.kz/memleket/entities/karaganda-shet-akoy/press/news/details/1204072?lang=kk