«Еуропа командасы» бастамасының сессия қорытындысы бойынша – ЕО-Орталық Азия: Орталық Азиядағы су ресурстары, энергетика және климаттың өзгеруі мәселелері жөніндегі жоғары деңгейдегі кездесуден кейін пресс-конференция өтті

«Бұл сессияны өткізу Қазақстан үшін маңызды мәнге ие, өйткені Еуропа командасының қатысуы еуропалық Global Gateway стратегиясы аясында инвестициялар мен технологияларды тарту үшін қосымша мүмкіндіктер ашады», – деп атап өтті Қазақстанның экология және табиғи ресурстар вице-министрі Нұрлан Кұрмалаев.

Италия үкіметінің климат мәселелері жөніндегі арнайы өкілі Франческо Корваро Еуропалық Одақтың бүгін халықаралық ынтымақтастықтың маңыздылығын тағы да растайтынын атап өтті.

«Біздің алдымызда тұрған су, энергия, климат сияқты сын-қатерлерге қарсы күресте күш-жігерімізді біріктіру және бірлесіп жұмыс істеу маңызды. Әсіресе, климатқа байланысты дағдарыс орасан зор осындай аймақта бұл өте өзекті. Менің ойымша, бүгін бізде Еуропада және Италияда бар технологиялар мен ноу-хауды біріктіріп, оларды осы аймақта іс жүзінде қалай қолдануға болатынын жаңадан ашуға мүмкіндік болды», – деді арнайы өкіл.

Пресс-конференцияның тағы бір қатысушысы, Еуропалық Одақтың арнайы өкілі Эдуард Стипрайс бұл жоғары деңгейдегі кездесу елдердің тұрақты даму, климаттың өзгеруімен күрес және аймақтық өзара байланысты нығайту саласындағы ынтымақтастықты нығайтуға деген адалдығын растағанын атап өтті.

«Осы кездесу барысында серіктестер су, энергия және климаттың бір-бірімен тығыз байланысты екенін және үйлестірілген салааралық шешімдерді талап ететінін атап көрсетті. Белгіленген үйлестіру құрылымдарымен және Қоршаған орта мен су ресурстары саласындағы ынтымақтастық жөніндегі ЕО–Орталық Азия платформасымен қолдау көрсетілетін Team Europe нығайтылған құрылымы саясаттың жүйелілігін, аймақтық диалогты және жедел әсерді арттырады.Сондай-ақ, серіктестер Париж келісіміне, соның ішінде зардаптарды жұмсарту және бейімделу шараларын күшейтуге, жаңартылған ұлттық деңгейде айқындалатын үлестерге және климатқа төзімді дамуға бейілділігін растады», – деп атап өтті Эдуард Стипрайс.

Team Europe бастамасының келесі жоғары деңгейдегі кездесуі 2029 жылы Еуропада өтеді.

Ақпарат көзі : https://www.gov.kz/memleket/entities/ecogeo/press/news/details/1207116?lang=kk