Қарағандыдағы «Алтын ғасыр» галереясында Art Start жобасының жыл сайынғы көрмесі өтеді. Биылғы экспозицияның басты тақырыбы — «Естелік пен сәйкестік».
Бұл жолы ұйымдастырушылар еркін форматтан бас тартып, қатысушыларға нақты концепция ұсынған. Барлық туындылар арнайы осы көрме үшін жасалып, естеліктің жеке және мәдени қырларын, өзін-өзі тану мен ішкі тәжірибені бейнелейді.
— Бұл жолы форматымыз ерекше. Біз «Естелік пен сәйкестік» тақырыбын ұсындық. Барлық жұмыстар дәл осы көрме үшін арнайы жасалып, тақырыптың мазмұнына сай болуы тиіс болды, — деді галерея жетекшісі Бибігүл Исполова.
Көрмеде 14 суретшінің жұмыстары ұсынылады. Олардың қатарында қалада және одан тыс жерлерде танымал авторлар — Пётр Кишкис, Мәдихан Қалмаханов және Евгения Казакова бар. Сондай-ақ Санкт-Петербургтен келген суретші әрі арт-терапевт Роман Черенков та қатысады.
Көрменің ашылуы 26 сәуір күні сағат 16:00-де Комиссаров көшесі, 35а мекенжайында өтеді. Кіру тегін. Экспозиция 14 мамырға дейін жұмыс істейді.
Ақпарат көзі : https://www.gov.kz/memleket/entities/karaganda/press/news/details/1207512?lang=kk
Жауап қалдыру Жауапты болдырмау