Астана қаласында «Таза Қазақстан» республикалық экологиялық акциясы аясында Көліктегі полиция департаментінің басшылығы мен қызметкерлері сенбілікке белсенді қатысты.
Іс-шара барысында департаменттің аумағы мен оған іргелес жатқан Есенберлин және Затаевич көшелерінің бойы тазартылып, абаттандыру жұмыстары жүргізілді. Сонымен қатар, Департамент аумағына көшеттер отырғызылып, оларды күтіп-баптау жұмыстары қолға алынды.
Аталған акция – экологиялық мәдениетті қалыптастыруға, қала тазалығын сақтауға және тұрғындарды табиғатты қорғауға шақыруға бағытталған маңызды бастама.
Көліктегі полиция департаменті алдағы уақытта да экологиялық шараларға белсенді қатысып, қоршаған ортаны қорғау бағытындағы жұмыстарды жалғастырады.
Ақпарат көзі : https://www.gov.kz/memleket/entities/mvd-transport/press/news/details/1208559?lang=kk
Жауап қалдыру Жауапты болдырмау