ЕЗЖ деген не? Оларды қалай аударуға болады?

ЕЗЖ деген не? Оларды қалай аударуға болады?

Отандық жинақтаушы зейнетақы жүйесі шеңберінде Қорға жарналардың келесі түрлері аударылады:
– ️міндетті зейнетақы жарналары (МЗЖ) – жұмыс беруші ай сайын қызметкер жалақысының 10%-ын;
– міндетті кәсіптік зейнетақы жарналары (МКЗЖ) – жұмыс беруші өз есебінен аударатын зиянды және қауіпті кәсіптегі қызметкерлерінің табыстарының 5%-ын;
– жұмыс берушінің міндетті зейнетақы жарналары (ЖМЗЖ) – 2024 жылдан бастап 1975 жылы және одан кейін туған барлық қызметкерлер үшін аударатын жарна (2024 жылы 1,5%, 2028 жылға қарай біртіндеп 5%-ға дейін өседі).
Сондай-ақ жеке және заңды тұлғалар аудара алатын ерікті зейнетақы жарналары (ЕЗЖ) бар. Жеке тұлға өздері үшін және (немесе) жақындары үшін өз табысы есебінен, ал заңды тұлғалар – өз қызметкерлерінің және (немесе) үшінші тұлғалардың пайдасына қаражат аударады. Бұл – жарналардың осы түрінің артықшылықтарының бірі.

Ерікті зейнетақы жарналарын екінші деңгейдегі банктер арқылы, сондай-ақ жұмыс берушіге өтініш беру арқылы аударуға болады, соның негізінде жұмыс беруші өтініш берген тұлғаның пайдасына БЖЗҚ-ға аударады.
ЕЗЖ есепке алынатын ЖЗШ өтінішсіз тәртіппен автоматты түрде ашылады:
– ЕЗЖ аудару кезінде БЖЗҚ-ға агенттер ұсынатын жеке тұлғалардың тізімдері негізінде;
– БЖЗҚ-ға жеке тұлғадан өз пайдасына немесе ЕЗЖ аудару кезінде үшінші тұлғаның пайдасына түскен бастапқы жарна негізінде.

Ақпарат көзі : https://www.gov.kz/memleket/entities/aktobe-aitekebi/press/news/details/1208781?lang=kk