Көкшетау қаласында полиция қызметкерлері №16 жалпы білім беретін мектептің жоғары сынып оқушыларымен киберқауіпсіздік бойынша профилактикалық сабақ өткізді. Іс-шара “Заң және тәртіп” қағидатын іске асыру шеңберінде ұйымдастырылып, жастар арасында құқықтық сауаттылық пен цифрлық ортада қауіпсіз мінез-құлықты қалыптастыруға бағытталған.
Сабақ барысында полиция жедел уәкілі Бекзат Назарова оқушыларға Қазақстан Республикасының қолданыстағы заңнамасының нормаларын, оның ішінде интернет-алаяқтыққа қатысқаны үшін қарастырылған жауапкершілікті егжей-тегжейлі түсіндірді. Қылмыстық жолмен алынған ақшаны қолма-қол ақшаға айналдыру және аудару бойынша делдалдық “дропперлікке” ерекше назар аударылды.
Сонымен қатар, полицейлер оқушыларға есірткінің заңсыз айналымымен байланысты қауіп туралы айтып, тыйым салынған заттардың “салулар” арқылы таралуымен байланысты жауапкершілікті түсіндірді. Жеке блок қорқыту және кибербуллинг мәселелерін, сондай-ақ олардың салдарын қарастырды.
Полиция қызметкерлері құқық бұзушылықтардың нақты мысалдарын келтіріп, интернет қылмыстардың зардап шегушісі болып қалмау және заңсыз әрекеттерге араласпау туралы практикалық ұсыныстар берді.
Кездесу соңында оқушылар өздерін қызықтырған сұрақтарын қойды.
Полицейлер өз кезегінде жасөспірімдерді белсенді азаматтық ұстанымды қалыптастыруға, құқық бұзушылықтарға бей-жай қарамауға және нақты өмірде де, цифрлық кеңістікте де заңдылық қағидаттарын сақтауға шақырды.
Ақпарат көзі : https://www.gov.kz/memleket/entities/mvd-akmola/press/news/details/1209900?lang=kk
Жауап қалдыру Жауапты болдырмау