«Таза Қазақстан» республикалық экологиялық акциясы аясында түрлі буын мен мамандық иелерін біріктірген көшет отырғызу сенбілігі өтті. Бұл күн жай ғана еңбек күні емес, туған ауылды көркейтуге деген шынайы ниетке толы ерекше күн болды.
Іс-шараға қатысушылар ынта-жігермен іске кірісті: жас ағаштарды мұқият отырғызып, олардың әрқайсысына болашақта жасыл, таза және жайлы болуына үміт артты.
Осындай сәттер табиғатты сақтау мен оған бірлесе қамқор болудың қаншалықты маңызды екенін еске салады.
Акцияға депутаттар, ардагерлер кеңесінің мүшелері, еріктілер, мемлекеттік мекемелердің ұжымдары және жастар белсене қатысты. Әр буын өкілдерінің ортақ мақсат жолында иық тіресе еңбек етуі ерекше бірлік пен күштің белгісіндей сезілді.
Отырғызылған көшеттер қамқорлықтың, жауапкершіліктің және жарқын болашаққа деген сенімнің символына айналмақ. Бәлкім, жылдар өте келе дәл осы ағаштар өз көлеңкесі мен жасылдығымен ауыл тұрғындарын қуанта отырып, үлкен өзгерістердің қарапайым игі істерден басталатынын еске салар.
Ақпарат көзі : https://www.gov.kz/memleket/entities/timiryazmaslihat-sko/press/news/details/1209300?lang=kk
Жауап қалдыру Жауапты болдырмау