Химиялық уланулар зиянды және қауіпті еңбек жағдайларында жұмыс істейтін қызметкерлер үшін әлі де елеулі қауіп болып табылады. Қауіптілік тек улы заттардың жедел әсерінен ғана емес, сонымен қатар олардың ағзада ұзақ уақыт бойы жиналуынан да туындайды — мысалы, ауыр металдар бар шаңды жұту, еріткіштермен байланыс немесе қорғасын мен марганецтің әсері кезінде.
Тәуекелдерді азайту мақсатында кәсіпорындарда санитариялық-профилактикалық шаралар кешені жүзеге асырылады. Оған жұмыс аймағы ауасындағы зиянды заттардың концентрациясын бақылау, міндетті медициналық тексерулер жүргізу, тұрақты нұсқамалар өткізу, химиялық заттардың қауіпсіздік паспорттарын зерделеу, сондай-ақ қызметкерлерді жеке және ұжымдық қорғаныс құралдарымен қамтамасыз ету кіреді.
Зиянды заттар ағзаға тыныс алу жолдары, тері және асқазан-ішек жолдары арқылы енуі мүмкін, сондықтан қауіпсіздік талаптары мен өндірістік бақылауды қатаң сақтау маңызды.
Зиянды еңбек жағдайларында жұмыс істейтін қызметкерлер жыл сайын медициналық тексеруден өтуі тиіс. Кәсіпорындарға қолданылатын заттарға қарсы у қайтарғыштар (антидоттар), оларды қолдану жөніндегі нұсқаулықтар және токсикологиялық қызметтердің байланыс деректері болуы ұсынылады.
Жедел улану белгілері (жүрек айну, құсу, бас ауруы, бас айналу) байқалған жағдайда, зардап шеккен адамды дереу қауіпсіз аймаққа шығару, ластанған киімді шешу және қажет болған жағдайда теріні немесе көзді 15–20 минут бойы ағынды сумен шаю қажет. Жедел жәрдем шақырып, заттың атауын хабарлау керек.
Ақпарат көзі : https://www.gov.kz/memleket/entities/ksek/press/news/details/1210467?lang=kk
Жауап қалдыру Жауапты болдырмау