2026 жылғы 20 сәуірде мемлекеттік еңбек инспекторы А.В. Сергеев Петропавл қаласы әкімдігінің «Тазарту, су бұру және су өткізу құрылыстары» ШЖҚ МКК-да семинар өткізді.
Кездесу барысында Қазақстан Республикасының еңбек заңнамасын сақтау, соның ішінде еңбек қатынастарын тиісті түрде ресімдеу, әлеуметтік кепілдіктерді қамтамасыз ету және бейресми жұмыспен қамтуға жол бермеу мәселелері қаралды. Іс-шараға кәсіпорын қызметкерлері мен жұмыс беруші өкілдері тарапынан барлығы 25 адам қатысты.
Еңбек қауіпсіздігі және еңбекті қорғау мәселелеріне ерекше назар аударылды. Қатысушыларға нұсқама беру, қызметкерлерді жеке қорғаныс құралдарымен қамтамасыз ету, сондай-ақ өндірістік жұмыстарды орындау кезінде қауіпсіздік техникасын қатаң сақтау қажеттілігі туралы талаптар түсіндірілді. Сонымен қатар өндірістік жарақаттанудың алдын алу бойынша практикалық шаралар мен жұмыс берушінің қауіпсіз еңбек жағдайларын жасау үшін жауапкершілігі талқыланды.
Кездесу барысында еңбек саласындағы кемсітушілікке жол бермеу тақырыбы қозғалды. Қызметкерлердің құқықтарын жынысына, жасына, ұлтына, әлеуметтік мәртебесіне немесе басқа да жағдайларға байланысты кез келген шектеу заңнаманы бұзу болып табылатыны түсіндірілді. Ұжымда сыйластық пен қауіпсіз жұмыс ортасын қалыптастырудың, соның ішінде әйелдер үшін тең мүмкіндіктерді қамтамасыз етудің, қысым көрсетуге, қудалауға және теңсіз қарым-қатынастың басқа да нысандарына жол бермеудің маңыздылығы атап өтілді.
Ақпарат көзі : https://www.gov.kz/memleket/entities/sko-enbek/press/news/details/1210983?lang=kk
Жауап қалдыру Жауапты болдырмау