2026 жылғы 29 сәуірде Қазақстан халқының бірлігі күніне орай облыс әкімі Н.Төреғалиевтің қатысуымен өңірдегі конфессияаралық келісімді нығайтуға бағытталған «YNTYMAQ» комьюнити орталығының салтанатты ашылу рәсімі өтті.
Орталық дін істері басқармасының бастамасымен қызмет ететін келесі міндеттерді қамтиды:
- Мемлекет басшысының 2026 жылды «Жасанды интеллект жылы» деп жариялау бастамасына сәйкес, дін саласындағы жұмысты жаңа цифрлық деңгейге көтеру. «YNTYMAQ BQO» мобильді жүйесін құру арқылы күрделі мәселелердің шешімін жедел табуға арналған бірегей цифрлық құралды іске қосу;
- Азаматтарға «бір терезе» қағидаты бойынша кәсіби теологиялық және заңгерлік көмек көрсету;
- Түрлі конфессия өкілдерінің басын қосып, рухани тұрақтылықты нығайту бойынша ашық алаң қалыптастыру;
- Өңірдегі діни ахуалға конфессияаралық тұрғыдан терең сараптама жүргізу және діни алауыздықтың алдын алу шараларын ұйымдастыру.
Орталықтың негізгі мақсаты – өңірдегі діни ахуалды тұрақтандыру, діни бірлестіктер арасындағы сындарлы диалогты дамыту және деструктивті идеологияларға қарсы тұрудың заманауи алаңын қалыптастыру болды. Сонымен қатар, «бір терезе» қағидаты бойынша азаматтарға теологиялық және заңгерлік кеңес беру көзделді.
Ақпарат көзі : https://www.gov.kz/memleket/entities/bko-din/press/news/details/1211654?lang=kk
Жауап қалдыру Жауапты болдырмау