Астанада қонақжайлылық және сервис индустриясы үшін жаңа буын мамандарын даярлауға, тәжірибеге негізделген білім беру платформасы — VELOR Academy of Hospitality & Service салтанатты түрде ашылды.
Ашылу рәсіміне Туризм және спорт министрінің орынбасары Серік Жарасбаев қатысты:
«VELOR Academy-дің ашылуы қонақжайлылық индустриясы үшін кадр даярлау жүйесін дамытудағы маңызды қадам. Министрлік сервис сапасын арттыруға және кәсіби құзыреттерді қалыптастыруға бағытталған бастамаларды қолдайды. Академия саланың дамуына және сұранысқа ие мамандарды даярлауға елеулі үлес қосады деп сенемін», — деді министрдің орынбасары.
Нарықтың даму қарқыны кәсіби кадрларды даярлау үдерісінен озып отыр. Соның салдарынан бизнес сервис сапасының тұрақсыздығына, кадр тұрақсыздығына және қызметкерлердің ұзақ бейімделу кезеңіне тап болуда.
VELOR Academy — сервис саласының нақты жұмыс жағдайларына барынша жақындатылған білім беру ортасы. Жалпы аумағы 1000 м²-ден асатын кеңістікте индустрияның негізгі үдерістері — фронт-офис жұмысы мен қонақпен өзара әрекеттен бастап толық модельденген. Бұл операциялық жүктемеден тыс жағдайда тәжірибелік дағдыларды жетілдіруге мүмкіндік береді.
Академиядағы оқу үдерісі 60% тәжірибе және 40% теория қағидаты бойынша құрылған. Негізгі назар сервис сапасы мен клиент тәжірибесіне тікелей әсер ететін тұрақты кәсіби дағдыларды қалыптастыруға аударылған.
Академияның білім беру бағдарламалары қонақ үй бизнесі, клиенттік сервис және басқарушылық құзыреттер сияқты негізгі бағыттарды қамтиды. Оқыту корпоративтік секторға да, жеке мамандарға да бағытталған.
«Бүгінде туризмді дамытудың басты қозғаушы күші тек инфрақұрылым емес, ең алдымен — сапалы қызмет көрсетіп, қонаққа ерекше әсер сыйлай алатын кәсіби мамандар. Velor Academy-дің іске қосылуы — қызмет көрсету мәдениетін жаңа деңгейге көтеріп, білім мен бизнес арасындағы байланысты нығайтуға, сондай-ақ Орталық Азия бойынша сұранысқа ие білікті кадрлар даярлауға жол ашатын стратегиялық маңызды қадам», — деп атап өтті «Атамекен» ҰКП Президиумы жанындағы Туризм саласы комитетінің төрайымы Юлия Якупбаева.
VELOR Academy білім беру мен бизнесті біріктіретін платформа ретінде қарастырылып, Орталық Азиядағы қонақжайлылық индустриясын дамытудағы маңызды қадам ретінде бағалануда.
Ақпарат көзі : https://www.gov.kz/memleket/entities/tsm/press/news/details/1212871?lang=kk
Жауап қалдыру Жауапты болдырмау