Астанада өткен «PROFI DAY» көрмесі мектеп оқушыларына болашақ мамандығын тек тыңдап емес, өз бетінше байқап көруге мүмкіндік берді. 500-ге жуық бала түрлі саланың нақты жұмыс процесіне қатысып, кәсіби таңдауын саналы түрде жасауға бір қадам жақындады, деп хабарлайды елорда әкімдігінің ресми сайты.
«PROFI DAY» ерекшелігі – бұл жай ғана кездесу емес, практикалық форматтағы интерактивті көрме. Іс-шара аясында 10 түрлі бағыт бойынша арнайы бұрыштар ұйымдастырылды. Әр бұрышта ата-аналар өз мамандығын таныстырып қана қоймай, оқушыларға шағын тапсырмалар орындатып, сол саланың нақты жұмыс процесін көрсетті. Көрмеде ұсынылатын негізгі бағыттар: аспаздық және сервис, құрылыс және сәулет, стоматология, IT және бағдарламалау, медиа және контент жасау, қауіпсіздік қызметі, туризм, автосервис, сұлулық индустриясы, тігін және дизайн, сондай-ақ медициналық көмек бағыттары бойынша өтті», – деді Ілияс Жансүгіров атындағы №58 мектеп-гимназиясының директоры Ақмоншақ Нұртазақызы.
Іс-шараның басты ерекшелігі – қатысушы мамандардың басым бөлігі мектеп оқушыларының ата-аналары.
Бұл өз кезегінде ата-аналардың кәсіби тәжірибесін балалармен бөлісуге, отбасылық байланыс пен сенімді арттыруға, мектеп пен ата-ана арасындағы серіктестікті нығайтуға үлкен мүмкіндік береді.
Ақпарат көзі : https://www.gov.kz/memleket/entities/astana/press/news/details/1214771?lang=kk
Жауап қалдыру Жауапты болдырмау