«Білім беру жүйесінде конституциялық қағидаттарды ілгерілету – білім сапасын арттыру мен құқықтық қорғалуды қамтамасыз етудің факторы» атты диалог алаңы

5 мамырда департаментте «Білім беру жүйесінде конституциялық қағидаттарды ілгерілету – білім сапасын арттыру мен құқықтық қорғалуды қамтамасыз етудің факторы» атты диалог алаңы өтті. Іс-шараға Қостанай облысы білім беру ұйымдарынан 200 педагог қатысты, соның ішінде Педагогикалық әдеп жөніндегі кеңестерінен, мектепке дейінгі, орта білім беру ұйымдарының, техникалық және кәсіптік білім беру ұйымдарының, қосымша білім беру ұйымдарының басшылары, жеке білім беру ұйымдарының басшылары.

         Диалогтың мақсаты – білім беру ұйымдарында конституциялық қағидаларды сақтау мәселелерін талқылау, білім сапасын арттыру және құқықтық сауаттылық құндылықтарын қалыптастыру бойынша практикалық ұсыныстар әзірлеу.

         Баяндамашылар ретінде Педагогикалық әдеп жөніндегі кеңесінің мүшелері – Д.Ж. Сюндикова, Қостанай облысы әкімдігінің білім басқармасы басшысының орынбасары және М.В. Слесарь, «SAMGAU» кәсіби құзіреттілік және сараптама орталығының директоры, білім саласының ардагері сөз сөйледі.

         Д.Сюндикова жаңартылған конституция бойынша білім алушылардың конституциялық құқықтарының жүзеге асырылуы туралы баяндама жасаса, М.Слесарь оқушылардың конституциялық ойлауын қалыптастырудағы мұғалімдердің рөліне тоқталды.

         Ахмет Байтұрсынұлы атындағы Қостанай өңірлік университетінің оқытушылары, тарих ғылымдарының кандидаттары Табулденов Әлібек Нұрмағамбетұлы мен Бекмағамбетов Руслан Қабдуғалиұлы баяндамалары әсіресе қызықты болды, Ата Заңымыздың ерекшеліктерін, әсіресе, ұлттық тәрбиенің дамуына қатысты мәселелерді түсіндірді.

         Қостанай қаласындағы Келешек мектебінің директоры Мирамова Жұмабике Жұмабекқызы оқушыларға тәрбие жұмысын жүзеге асырудағы тәжірибесімен бөлісті.

         Педагогика ғылымдарының докторы, профессор Римма Шыңғысқызы Бектұрғанова, мүмкіндігі шектеулі ауылдық мектептің жас директоры Салават Данилович Қашапов, Рудный қаласындағы мектепке дейінгі мекеменің директоры Күзембаева Жанна Серікқызы тақырып төңірегінде өз ойларын ортаға салды.

         Талқылау қорытындысы бойынша ұсыныстар қабылданды.

Ақпарат көзі : https://www.gov.kz/memleket/entities/control-kostanay/press/news/details/1215126?lang=kk