Отан қорғаушылар күні қарсаңында Павлодар облысы Төтенше жағдайлар департаментінің ардагерлеріне ауқымды жаңғыртудан өткен №5 өрт сөндіру бөліміне экскурсия ұйымдастырылды. Іс-шара әр буын құтқарушыларын біріктіріп, жылы әрі достық атмосферада өтті.
Сапар барысында ардагерлер қызмет атқарудың заманауи жағдайларымен, бөлімшенің материалдық-техникалық жарақтандырылуымен, сондай-ақ қызметкерлердің жұмысын ұйымдастырудағы жаңа тәсілдермен танысты. Қонақтардың ерекше қызығушылығын жаңартылған техника, арнайы жабдықтар және жеке құрамның тиімділігі мен қауіпсіздігін арттыруға жасалған жағдайлар тудырды.
Бөлім қызметкерлері күнделікті қызмет барысы туралы кеңінен айтып, заманауи техниканың мүмкіндіктерін көрсетті және ардагерлердің сұрақтарына жауап берді. Ардагерлер азаматтық қорғау жүйесінің дамуы айтарлықтай ілгерілегенін атап өтіп, қазіргі құтқарушылар буынының сенімділігіне жоғары баға берді.
Мұндай кездесулер қызметкерлер мен ардагерлер арасындағы ұрпақтар сабақтастығын нығайтып, тәжірибе алмасуға ықпал етеді. Іс-шара соңында ардагерлер жылы қабылдау мен өздері ұзақ жылдар қызмет еткен саланың дамуымен танысу мүмкіндігі үшін ұйымдастырушыларға алғыс білдірді.
Ақпарат көзі : https://www.gov.kz/memleket/entities/emer-pavlodar/press/news/details/1215716?lang=kk
Жауап қалдыру Жауапты болдырмау