Әуезов ауданында «Ұранды елдің – ұрпағы қайсар» атты мерекелік іс-шарасында ҚР Мемлекеттік Туы көтерілді

7 мамыр – Отан қорғаушылар күніне орай Әуезов ауданында «Ұранды елдің – ұрпағы қайсар» атты аудандық мерекелік іс-шара ұйымдастырылды.

Салтанатты шараға әскери қызмет ардагерлері, құқық қорғау органдарының өкілдері, қоғамдық ұйым мүшелері, жастар мен аудан тұрғындары қатысты.

Іс-шара барысында Бауыржан Момышұлы атындағы әскери-спорт колледжі тәрбиеленушілерінің қатысуымен Қазақстан Республикасының Мемлекеттік Туы салтанатты түрде көтерілді.

Мерекелік жиынға территориалдық прокуратура өкілдері, сондай-ақ «Офицерлер одағы» қоғамдық бірлестігі төрағасы, генерал-майор Махмұт Өтегенұлы Телегусов қатысты.

Сонымен қатар, іс-шараға КСРО Қарулы Күштерінің ардагері, Қазақстан Республикасы Қорғаныс министрлігінің ардагері, отставкадағы полковник Асқар Назирович Сафаров қатысты. Ол 1997 жылы ҚР Қорғаныс министрлігі Тыл басқармасы штабының жедел-тылдық, жауынгерлік және мобилизациялық дайындық бөлімінің бастығы қызметінен зейнеткерлікке шыққан.

Шара барысында әскери-патриоттық рухтағы концерттік бағдарламалар мен көркем қойылымдар ұсынылып, жастарға отансүйгіштік рух сыйлады.

Ақпарат көзі : https://www.gov.kz/memleket/entities/almaty-auezov/press/news/details/1216299?lang=kk