Женева, 2026 жылғы 8 мамыр – Халықаралық электр байланысы одағының (ХЭО) Кеңесі отырысының шеңберінде Қазақстан Республикасының ДСҰ жанындағы Тұрақты өкілдігі ресми қабылдау ұйымдастырды. Іс-шара Қазақстанның 2027–2030 жылдарға арналған ХЭО Кеңесіне кандидатурасын және Ризат Нуршабековтың Радиорегламент комитетіне қайта сайлануын қолдау мақсатында өткізілді.
Іс-шараға ХЭО Бас хатшысы Дорин Богдан-Мартин, Бас хатшының орынбасары Томас Ламанаускас, ХЭО Кеңесінің мүше мемлекеттері делегацияларының басшылары, байланыс әкімшіліктері мен дипломатиялық корпустың өкілдері қатысты.
Қош келдіңіздер сөздерін Қазақстан Республикасының ДСҰ жанындағы Тұрақты өкілі Қайрат Төребаев және Жасанды интеллект және цифрлық даму вице-министрі Дмитрий Мун сөйледі. Олар Қазақстанның цифрлық басымдықтары мен жетістіктерін, сондай-ақ елдің Кеңеске сайланған жағдайда ХЭО қызметіне белсенді үлес қосуға дайындығын таныстырды.
ХЭО Бас хатшысы Дорин Богдан-Мартин Қазақстанның цифрлық трансформация және жасанды интеллект саласындағы елеулі прогресін, сондай-ақ елдің халықаралық цифрлық күн тәртібіне жоғары белсенділікпен қатысатынын атап өтті.
Қабылдау мүше мемлекеттер делегацияларымен бейресми кеңестер өткізуге мүмкіндік берді. ХЭО-ның сайланбалы органдарына сайлау 2026 жылғы ХЭО Өкілетті конференциясында өтеді.
Ақпарат көзі : https://www.gov.kz/memleket/entities/mfa-wto/press/news/details/1217011?lang=kk
Жауап қалдыру Жауапты болдырмау