9 мамыр – Ұлы Жеңіс күніне орай Алға қаласындағы «Мәңгілік алау» алаңында гүл шоқтарын қою салтанатты рәсімі өтті.
Тағылымды шара соғыс құрбандарын бір минуттық үнсіздікпен еске алудан басталды. Іс-шараға аудан әкімінің міндетін атқарушы Сансызбай Мұқанов, аудандық мәслихат төрағасы Марат Төлеуов, құқық қорғау органдарының өкілдері, Ауған соғысы және Тәжік-Ауған шекарасындағы қарулы қақтығыс ардагерлері, аудандық ардагерлер кеңесінің мүшелері, Әжелер алқасы, мекеме басшылары мен аудан тұрғындары қатысып, гүл шоқтарын қойып, тағзым етті.
Ұлы Жеңіс – ел тарихындағы өшпес ерлік пен батырлықтың символы. Майдангерлердің жанқиярлығы мен отансүйгіштігі кейінгі ұрпаққа әрдайым үлгі болып қала береді.
Ақпарат көзі : https://www.gov.kz/memleket/entities/aktobe-alga/press/news/details/1218357?lang=kk
Жауап қалдыру Жауапты болдырмау