5 мамырда мәслихат депутаттарының есептік қызметі шеңберінде № 7 мектеп-интернат базасында тұрғындармен кездесу өткіздім. Іс-шараға мәслихат төрағасы О.З. Баймаганбетов, депутаттар Ж.К. Жаяубаев, Т.М. Рублев, сондай-ақ мемлекеттік органдар мен полиция бөлімінің өкілдері қатысты.
Кездесу барысында есепті кезеңдегі жұмыс қорытындылары ұсынылды, басым бағыттар белгіленді және іске асырылған жобалар туралы хабардар етілді. Негізгі міндеттердің қатарында қалалық инфрақұрылымды дамыту, аула аумақтарын абаттандыру және тұрғын үй-коммуналдық шаруашылық мәселелерін шешу қалып отыр.
Кездесудің негізгі бөлігі ашық диалог форматында өтті. Талқылау сындарлы және мазмұнды болды. Тұрғындар өзекті мәселелерді көтерді, соның ішінде жолдардың жай-күйі мен жөндеу, аулалар мен балалар алаңдарын абаттандыру, тұрғын алаптардың жанында рұқсат етілмеген қоқыс үйінділерінің болуы, қоқыс шығаруды ұйымдастыру және контейнерлік алаңдарды жайластыру, сондай-ақ 3 ықшам ауданда дәріхана мен минимаркет ашу қажеттілігі және басқалар. Әр өтініш бойынша түсініктемелер берілді. Барлық мәселелер жұмысқа қабылданды, олар бойынша іс-шаралар жоспары әзірленеді және одан әрі әрекет ету шаралары айқындалады.
Ақпарат көзі : https://www.gov.kz/memleket/entities/maslihat-karaganda-saran/press/news/details/1217885?lang=kk
Жауап қалдыру Жауапты болдырмау