15 мамыр күні бүкіл әлемде Халықаралық отбасы күні атап өтіледі — бұл мереке махаббат, өзара түсіністік, қолдау және ұрпақтар сабақтастығы секілді ең маңызды құндылықтарды еске салады. Ізгі дәстүр бойынша «Жаңа жағалау» алаңында қалалық мәдениет және спорт бөлімі Қазақстан Республикасының мемлекеттік тіл саясатын іске асыру аясында “Әкем, анам, мен спорттық отбасымын” атты жарқын да қызықты отбасылық жарыстар ұйымдастырды.
Осы игі дәстүр аясында мереке қарсаңында «Жаңа жағалау» аумағында қалалық мәдениет және спорт бөлімі «Әке, ана және мен – спорттық отбасы» атты жарқын әрі қызықты жарыс ұйымдастырды.
Мерекелік шараға қаланың белсенді әрі ұйымшыл отбасылары қатысып, өздерінің тек жақсы дене дайындығын ғана емес, сондай-ақ ауызбіршілігін, өзара көмегін және командалық рухын көрсетті. Жарыс бірнеше кезеңнен тұрды. Әр кезең қатысушылардан ептілік, төзімділік, жаттығуларды ретімен орындау және қимылдардың үйлесімділігін талап еттіАлғашқы кезеңде отбасылар сергек таңғы жаттығуларын ұсынып, көрермендерге көтеріңкі көңіл күй мен қуат сыйлады. Кейін қатысушыларды көңілді эстафеталар мен спорттық ойындар күтіп тұрды. Мұнда жылдамдықты, үйлесімділікті және командада жұмыс істей білу қабілетін көрсету қажет болды. Қатысушылар шығыршық, таяқша, доп және басқа да спорттық құралдармен тапсырмалар орындап, сынақтардан мүмкіндігінше жылдам әрі ұйымшылдықпен өтуге тырысты.
Мереке бойы жағалауда қуанышқа, қолдауға және салауатты бәсекеге толы ерекше атмосфера орнады.
Бұл мереке жиналған қауымға көтеріңкі көңіл күй, шаттық пен ұмытылмас әсер сыйлады. Ал «Әке, ана және мен – спорттық отбасы» жарысы өзара түсіністік пен қолдауға негізделген берік отбасының қоғамның басты құндылығы әрі бақытты болашақтың кепілі екенін тағы бір мәрте дәлелдеді.
Жарыс қорытындысы бойынша жеңімпаздар мен қатысушылар ұйымдастырушы — Көкшетау қаласының «Мәдениет, тілдерді дамыту, дене шынықтыру және спорт бөлімі» ММ тарапынан бағалы сыйлықтармен және естелік тартулармен марапатталды.
Ақпарат көзі : https://www.gov.kz/memleket/entities/culture-kokshetau/press/news/details/1218203?lang=kk
Жауап қалдыру Жауапты болдырмау