Облыс әкімінің орынбасары Б.Байахметовтың басшылығымен құрылған жұмыс тобының құрамында Глубокое ауданының туристік нысандарының қызметімен танысып, олардың халыққа қызмет көрсету сапасына бағалау жүргізуге қатыстым.
Бағдарлама аясында аудан аумағында орналасқан «Eco-Rest», «Конный двор» демалыс базаларының, «Дарын» балалар лагерінің, «Изумрудный» санаторийінің, «The Forest» мейрамханасының және «Алтайские Альпы» тау-шаңғы курортының инфрақұрылымы мен қызмет көрсету сапасының деңгейімен таныстық.
Сапардың негізгі мақсаты – туристік нысандардың инфрақұрылымын жетілдіру және келушілерге көрсетілетін қызмет сапасын арттыру.
Аталған іс-шара барысында туристік нысандардың субъектілерімен тілдесіп, нысандарда санитариялық-гигиеналық талаптардың сақталуына ерекше назар аудару қажеттілігін ескертіп, тиісті кеңестер бердім.
Ақпарат көзі : https://www.gov.kz/memleket/entities/departament-kkbtu-vko/press/news/details/1217845?lang=kk
Жауап қалдыру Жауапты болдырмау