Маңғыстау облысының санитариялық-эпидемиологиялық бақылау департаментінде Департамент басшысының орынбасары Қ.Б. Матаеваның төрағалығымен «Электрондық құжат айналымы жүйелерін пайдалану және мемлекеттік тілдегі құжат айналымын одан әрі дамыту» тақырыбында кеңес өткізілді.

Кеңес барысында электрондық құжат айналымы жүйесін тиімді пайдалану, мемлекеттік тілдегі іс жүргізу сапасын арттыру, құжаттарды рәсімдеу талаптарын сақтау мәселелері талқыланды.

Іс-шараға аудандық және қалалық санитариялық-эпидемиологиялық бақылау басқармаларының басшылары қатысып, күн тәртібіндегі мәселелер бойынша қойылған сұрақтарға толық жауаптар берілді. Кеңес қорытындысы бойынша тиісті тапсырмалар жүктеліп, мемлекеттік тілдегі құжат айналымын одан әрі жетілдіру бағытындағы жұмыстарды күшейту қажеттігі атап өтілді.